• Home »
  • »
  • நீல பத்மநாபன் விமரிசனத்தொகுப்பு

நீல பத்மநாபன் விமரிசனத்தொகுப்பு

This entry is part of 31 in the series 20020330_Issue

எம் .வி .குமார்


பாரதி நேஷனல் ஃபாரம் திருவனந்தபுரம் நீலபத்மநாபனைப்பற்றிய விமரிசனக்குறிப்ப்புகளில் முக்கியமானவை அனைத்தையும் தொகுத்து ஒரு பெருந்தொகைநூலை பிரசுரித்துள்ளது .மூன்று மொழிகளில் வந்த விமர்சனங்கள் இத்தொகை நூலில் சேர்க்கப்பட்டுள்ளன. கேரள இலக்கியவரலாற்றாசிரியரான டாக்டர் கெ எம் ஜார்ஜ் பொது ஆசிரியராக பணியாற்ற தமிழ் பகுதியை டாக்டர் கெ நாச்சிமுத்து எம் நயினார் ஆகியோர் தொகுத்துள்ளனர் . ஆங்கிலப்பகுதி கெ வானமாமலை அவர்களாலும் மலையாளப்பகுதி டாக்டர் டி பெஞ்சமின்ஆவர்களாலும் தொகுக்கபட்டுள்ளன. முன்னுரைகளுக்கு பிறகு நீலபத்மநாபனைப்பற்றிய பொதுவான விமரிசனங்கள் உள்ளன. பிறகு அவரது ஒவ்வொரு நூலைப்பற்றியும் வெளிவந்த விரிவான கட்டுரைகள் மற்றும் மதிப்புரைகள் ,அபூர்வமாக கடிதங்கள் ஆகியவை சேர்க்கப்பட்டுள்ளன. பற்கலை ஆய்வேடுகளின் சுருக்கங்கள் சில சலிப்பூட்டினாலும் க . நா. சு ,வெங்கட் சாமிநாதன் ,பேரேசிரியர் ஜேசுதாசன் , என் வி கிருஷ்ண வாரியர் முதலிய முக்கியமான விமரிசகர்களின் கட்டுரைகள் சுவாரஸியமானவை . ந.முத்துசாமி , கோ ராஜாராம் ஆகியோரின் எதிர்மறை விமரிசங்கள் பல தொகுக்கப்பட்டிருந்தபோதிலும்கூட பல முக்கியமான எதிர்மறை விமரிசனங்கள் தொகுக்கப்படவில்லை என்று குற்றம் சாட்டபடுகிறது .திருவனந்தபுரம் பல்கலைகழக நூலகம் மற்றும் நீலபத்மனாபனின் சொந்தத் தொகுப்பு ஆகியவற்றை மட்டுமே நம்பி இத்தொகுப்பு ஆக்கப்பட்டுள்ளது என்பதன் விளைவு இது . ஆனால் தமிழ் எழுத்தாளன் ஒருவனைப்பற்றிய தகவல்கள் எங்குமே சேமிக்கப்படுவது இல்லை ,கிடைப்பதுமில்லை என்ற கோணத்தில் பார்த்தால் இது தவிர்க்க முடியாததே .

ஆய்வாளர்களுக்கும் வாசகர்களுக்கும் பெரிதும் உதவிகரமான தொகுப்பு இது .வாசகர்களுக்கு கடந்த 30 ஆண்டுகளில் நம் விமரிசன மரபு எப்படி படிப்படியான வளர்ச்சி அடைந்துள்ளது என்ற சித்திரத்தை உருவாக்க்கூடியது என்ற முறையில் மிக முக்கியமானது .

தொகுப்பில் இருந்து

================

நீலபத்மநாபன் விவரப்பட்டியல்

————————————

வயது 26/4/1938

நூல்கள் [மொத்தம் 36]

======

நாவல்கள்

———–

தலைமுறைகள் 1968

பள்ளிகொண்ட புரம் 1970

ஃபைல்கள் 1973

உறவுகள் 1975

மின் உலகம் 1976

உதயதாரகை 1980

வட்டத்துக்கு வெளியே 1980

பகவதிகோவில் தெரு 1981

தேரோடும் வீதி 1987

கூண்டினுள் பட்சிகள் 1995

சிறுகதைகள்

—————

இஞ்சினீயர் 1965

மோகம் முப்பது ஆண்டு 1968

சண்டையும் சமாதானமும் 1972

மூன்றாவது நாள் 1974

யாத்திரை அனுபவங்கள் சமர் 1977

இரண்டாவது முகம் 1978

நாகம்மாவா 1978

சிறகடிகள் 1978

சத்தியத்தின் சன்னிதியில் 1985

வானவிதியில் 1988

பாவம் செய்யாதவர்கள் 1991

வெள்ளம் 1994

அவரவர் அந்தரங்கம் 1998

பிற விபரங்கள்

==========

பரிசு

——

ராஜா முத்தையா செட்டியார் நினைவுப்பரிசு 1977

மொழிபெயர்ப்புகள்

————————-

மலையாளத்தில் 3 சிறுகதை தொகுப்புகள் [அசல்] வெளிவந்துள்ளன

தலைமுறைகள் ஆங்கிலம்[மொழிபெயர்ப்பு க நா சு ] ஜெர்மன் .இந்தி ,மலையாளம்,கன்னடம்,உள்ளிட்ட 11மொழிகளில் மொழிபெயர்க்கப்பட்டுள்ளது.

பள்ளிகொண்ட புரம் ஆங்கிலம் ரஷ்ய மொழிகளிலும் 10 இந்திய மொழிகளிலும் மொழிபெயர்ப்பாகியுள்ளது.

விமரிசன நூல்கள்

———————

நீ .ப .இலக்கியத்தடம்

[காவ்யா பதிப்பகம்]

நீலபத்மநாபனின் படைப்புலகம்

[திருவனந்த புரம்]

இந்த விமரிசனத்தொகுப்பு

BHARATHI NATIONAL FORUM

TC NO 21/472,KARAMANA

THIRUVANANTHAPURAM

KERALA STATE

INDIA

695002

என்ற விலாசத்தில் கிடைக்கும் .அல்லது dilipbooks@eth.net ல் விசாரிக்கலாம்.

Series Navigation