பருப்பு கபாப்

This entry is part of 19 in the series 20011210_Issue


தேவையான பொருட்கள்

கருப்பு கடலைப்பருப்பு 1 கோப்பை (இரவு முழுவதும் ஊறவைக்கவும்)

கடலைப்பருப்பு 1/4 கோப்பை (இரவு முழுவதும் ஊறவைக்கவும்)

2 வெங்காயம், தூளாக அரிந்தது.

1 சின்ன இஞ்சித்துண்டு

10 பூண்டுப் பற்கள்

4 சிவப்பு மிளகாய்கள் வெட்டாதது

கரம் மசாலா தூள் (ருசிக்கு)

2 தேக்கரண்டி மல்லித்தூள்

உப்பு ருசிக்கு

எலுமிச்சை சாறு

6-7 பச்சை மிளகாய்

1 வெட்டிய வெங்காயம்

1 கொத்து கொத்துமல்லித் தழை

1 முட்டை

எண்ணெய்

செய்முறை

ஒரு வாணலியில் எண்ணெய் ஊற்றி, காய்ந்ததும், வெங்காயம் சேர்த்து வதக்கவும். சிறிதளவு வதங்கியதும், இஞ்சி பூண்டு, கரம் மசாலா காய்ந்த முழு சிவப்பு மிளகாயைச் சேர்க்கவும். இன்னும் சிறிதளவு வதக்கி இத்துடன் கருப்பு கடலைப் பருப்பும் கடலைப்பருப்பும் சேர்க்கவும். இத்துடன் மல்லித்தூள் சேர்த்து எண்ணெய் பிரியும் வரை மெதுவான தீயில் வைக்கவும். உப்பும் சிறிதளவு தண்ணீரும் சேர்த்து பிரஷர் குக்கரில் வைத்து 20 நிமிடங்கள் வேகவிடவும். இந்த கடலைப்பருப்பு கையால் தேய்த்தால் மாவாகும் அளவுக்கு இருக்க வேண்டும். பிறகு இந்த கலவையுடன் வெட்டிய வெங்காயம், எலுமிச்சை சாறு, கொத்துமல்லித்தழை, பச்சை மிளகாய், முட்டை போட்டு பசை போல பிசையவும். இதனை கபாப் அளவுக்கு வடிவமைத்து லேசாக எண்ணெயில் வறுக்கவும்.

Series Navigation