உயிர்ப்பு

This entry is part of 49 in the series 20110320_Issue

ரமேஷ் கல்யாண்


ஒரு மின்சாரக் கம்பத்தின்
கீழே
குப்புறக் கிடக்குதொரு காகம்

அண்டவிடாமல்
கரைந்து துரத்துகின்றன
அதன் உறவுகள்

ஓரிருமுறை அலகால் கொத்தி
அசைத்து தோல்வியுறுகிறது
ஒரு காகம்

கொஞ்ச நேரத்தில்
யாருமற்றுக் கிடக்குதந்தக் காகம்.
சிறகில் உறைந்த உயிர்

திடுமென்று கிளம்பிய
மெல்லிய காற்றொன்று
போகிற போக்கில்
அதன் சிறகுகளை சிலுப்பி
அசைத்துவிட்டுப் போகிறது

Series Navigation

ரமேஷ் கல்யாண்