உலகம் சுற்றும் குழந்தைகள்

This entry is part [part not set] of 45 in the series 20110130_Issue

ரவிஉதயன்


நகரும் பொம்மைகள்,
உருளும் பந்துகள்

ஓடும் சிறுமிதி வண்டி

ஒரு வீடு மைதானமாகிறது.

மானைப்போல் துள்ளல்,
தவளை போல கனைப்பு
முயலைப் போல் தாவல்
ஒரு வீடு வனமாகிறது .

சிறு செப்பில் மண் சோறு.
பச்சைப் புல் துவையல்,
மழைத்தண்ணி தேநீர்,
ஒரு வீடு மணல்வீ டாகிறது.

மயிலிறகில் கீரிடம்,
கண் மையில் மீசை,
மினுக்கும் அட்டைக்கத்திகள்
ஒரு வீடு அரண்மனையாகிறது.

குழந்தைகள் வசிக்கிற ஒரு வீடு

ஒரு உலகமாகிறது

Series Navigation

ரவிஉதயன்

ரவிஉதயன்