• Home »
  • »
  • வினோத மலரொன்றின் இதழ் நுனி..

வினோத மலரொன்றின் இதழ் நுனி..

This entry is part of 29 in the series 20101121_Issue

இளங்கோ


*
வினோத மலரொன்றின்
இதழ் நுனிப் பற்றி ஊசலாடுகிறான்

மணற் புயல் போல்
பூவினுள்ளிருந்து பலமாய் வீசுகிறது
மகரந்தத் துகள்

மஞ்சள் அடர்ந்து
முகத்தில் படர
மூர்ச்சையாகி மண்ணில் குழைகிறான்

இன்னொரு வசந்தத்தில்
செடியின்
மற்றுமோர் தளிர் கிளையில்
பெயரற்ற வினோத மலராய்ப் பூக்கிறான்

*****
–இளங்கோ

Series Navigation

இளங்கோ