• Home »
  • »
  • எதிர்பார்ப்புகள்

எதிர்பார்ப்புகள்

This entry is part of 34 in the series 20101107_Issue

சின்னப்பயல்


என் காதலியின்
எதிர்பார்ப்புகள்
அதிகம் ஒன்றுமில்லை..

எனக்கென
மட்டும் வாழ்வாயா ?
எனது
பாதுகாப்பை உறுதி செய்வாயா ?
எனக்காகப்
பரிந்து பேசுவாயா ?
என்னை
அவ்வப்போது சிரிக்க வைப்பாயா ?
என்னைப்
பிறர் முன்னில் அவமதிக்காமலிருப்பாயா ?
என்னை
உதாசீனம் செய்யாமலிருப்பாயா ?
என்னையும்
ஒரு சக உயிரென மதிப்பாயா ?
உன்னுடைய
துன்பங்களை என்னுடன் பகிர்ந்து கொள்வாயா ?
எனது
மகிழ்வுகளை ஆராதிப்பாயா ?
உனது
விருப்பத்துடன் என்னுடன் ஊடுவாயா ?
எனது
விருப்பத்துடன் என்னுடன் கூடுவாயா ?

இது போன்றவையே
அவள் என்னில் எதிர்பார்த்தவைகள்
என் கவிதைகளையல்ல….!

Series Navigation