மொழியாள்

This entry is part [part not set] of 37 in the series 20101024_Issue

மார்கண்டேயன்


அந்நிய தேசமது
அகலாத இரவின் நீட்சி
அதிகாலைப் பொழுது
ஆழ ஊடுருவும் குளிர்
அழுத்தம் கொடுக்கும் வயிறு
அடித்து எழுப்ப
அவசரமாக அவ்விடம் ஓட . . .

அங்கே அழகி ஒருத்தி
அவ்வேளையிலும்
அழகாக்கிக் கொண்டிருந்தாள்
அலுங்காமல் அசிங்கமாக்குமிடத்தை
அவசரமறிந்து பார்த்தாள்
அமைதியாய் அங்கிருந்து நகர்ந்தாள்

அவசரமாய் கதவடைத்து
அழுத்தம் அகற்றுகிறேன்
அலுக்காமல் நின்றவள்
அமைதியாய் தொடர்கிறாள், தான்
அனுதினம் செய்யும் பணியை

அடிமனதில் ஏதோ ஒன்று அறுக்க
அங்கிருந்து அன்பு பிறக்க
அவளின் கண்களுக்கு கொடுக்க
ஆறுதலாய் ஏற்றுக்கொண்டு
அவள் வேலையை தொடர்கிறாள்
ஆயிரம் மொழிகளுக்கு அடிப்படையான
அன்பெனும் மொழியை உணர வைத்த
அழகு மொழியாள்

மார்கண்டேயன்
http://markandaysureshkumar.blogspot.com

Series Navigation

மார்கண்டேயன்

மார்கண்டேயன்