திண்ணை

எஸ்ஸார்சி

இந்திரனைக் காதலன் போலே எழுப்பு
செல்வப்பேழையைக்காப்பதுபோலே
செவ்வமளிக்கும் வீரனைக் காத்திடுக
பசுவும் தானியமும்
பலமும் பல்பொருளும் புத்தியும் தருக அவன்
வலிமை மிகு வீர்யம் நிறை
சோமம் பருகும் இந்திரன்
எப்போதும் அளித்தலே செய்கிறான்
சூதாடி ஆடுகாய்களை நேரம் பார்த்து நகர்த்தி
வெற்றி இலக்கை எய்துவதுபோலே
மேலான செயலால்
ஆதாரம் பற்றுகிறான் இந்திரன்
அரக்கன் அற்புதன் சிரம் பிளந்து
அஹியைக்கொன்று
இந்திரன் ஏழு நதிகளை விடுவித்தான்
இந்திரனே பிரம்மம் பழிப்போரை கொன்றுவிடு
தானம் தராதோரை கால்களால் மிதி
பொழிந்த பொழியப்படெ வுள்ள
சோமம் நினது
மக்கள் தலைவன் நீ
அசையும் மலைகளையும் நிலத்தையும்
நிலைப்படுத்தியோன் நீ
வானம் திரமாக்கியோன் நீ
பசியும் சிறுமையும் பேதமையும்
போயொழிந்து பசுவும் தானியங்களும்
எம்மிடம் சேரட்டும்
அக்கினி பிரம்மத்தோடு சேர்ந்து
கரு காப்பாற்றப்படுக
குழந்தைகள் காக்கப்படுக
சகோதரன் போலே காதலன் போலே
கணவன் போலே
உன்ளேயேயிருந்து வாரிசழிக்கும் தீமைகள் தொலைக
தூக்கத்தில் இருளில் அருகே சயனித்து
வாரிசழிப்போர் தொலைக
அற்புதன் வச்சிரக்கையோன்
வல்லானே இந்திரனே
பசு குதிரை செல்வம் தேர் எனச்செல்வங்களத்தனையும்
வீரமாய்ப்பொழிக எமக்கு.
அக்கினியை அழைக்கிறோம்
அனேகர் விரும்பும் அக்கினி கிரகபதியாவான்
அவிகொண்டு அழைக்கிறார்கள் அவனை
தருப்பைகள் விரிக்கப்பட அக்கினி தோன்றுகிறான்
சுந்தரன் அக்கினி
துதிக்கருகன் அக்கினி
காளைபோல் குதிரைபோல் அக்கினி எழுப்பப்பட்டுள்ளான்
அவிகொண்டு போற்றுவோம் அக்கினியை
காளைகள் போலே யாமும் ஆகி
அக்கினியை எழுப்புவோம் யாம்
இந்திரா உன் சக்தியை
வானும் விண்ணும் பெருக்கிட
மலைகளும் நீரும் நின்னை
எழுச்சி கொள வைக்கின்றன
பெரியோன் விஷ்ணுவோடு வையம் மித்திர வருணர்
போற்றுகின்றனர் நின்னை
மருத்துக்களின் பலம் நின்னொடு சேர்கிறது
மானிடன் யுவதியின் பின்னே
சூரியன் உஷையின் பின்னே தொடர்கின்றனர்
உயர் மங்கலம் வேண்டி புனிதம் தரிக்க
மக்கட்பேற்றுக்கு விழைகிறான் மானுடன்
ஒளியொடு ஆண்மை தந்து வீரப்புதல்வர்களையும் தா
அன்னையும் பிதாவும் எமக்கு நீயே இந்திரனே
வல்லமை தருவாய் சதக்கிருதுவே
செல்வமுடையோனை நண்பனாய் ஏற்பதில்லை யாம்
சுராபானம் அருந்துமவர்
நின்னை நிந்தனையே செய்கின்றனர். ( அதர்வ வேதம் காண்டம் 20 சுலோகம் 713
வரை)
——————————————————-