• Home »
  • கவிதைகள் »
  • காற்றினிலே வரும் கீதங்கள் – 26 சூடான நள்ளிரவுக் கண்ணீர் !

காற்றினிலே வரும் கீதங்கள் – 26 சூடான நள்ளிரவுக் கண்ணீர் !

This entry is part of 26 in the series 20080703_Issue

தமிழாக்கம் : சி. ஜெயபாரதன், கனடா



தண்ணீர் விட்டா வளர்த்தோம் ? சர்வேசா ! இப்பயிரைக்
கண்ணீரால் காத்தோம் ! கருகத் திருவுளமோ ?
எண்ணமெலாம் நெய்யாக எம்முயிரி னுள் வளர்ந்த
வண்ண விளக்கி·து ! மடியத் திருவுளமோ ?

பாரதியார் (சுதந்திரப் பயிர்)

+++++++++

கண்கள் உறங்க ஒரு காரண முண்டோ
கண்ணனை இன்றிரவு காண்பதன் முன்னே ?
பெண்கள் எல்லோரும் அவர் வீடு சென்றிட்டார்
பிரியம் மிகுந்த கண்ணன் காத்திருக்கிறான் ! . . . .
கண்கள் உறங்கவெனும் காரிய முண்டோ
கண்ணனைக் கையிரண்டும் கட்ட லின்றியே ?

பாரதியார் (கண்ணன் என் காதலன்)

++++++++++++++++++++++++
காற்றினிலே வரும் கீதங்கள் – 26
சூடான நள்ளிரவுக் கண்ணீர் !
++++++++++++++++++++++++

எனதினிய தோழியே ! கேளாய் !
இப்பாதை தான்
இதய வாசல் திறப்பது
இடையூறு தன்னை நீக்கி !
இரவு பூராவும்
கண்ணீர் முத்தமிடும்
கருமேனியன் திருவடிகளில் !
புண்ணிய நீராடிக்
கண்ணனை நெருங்க முடிந்தால்,
மண்ணில் மீனாய்ப் பிறக்க
வேண்டி யிருப்பேன் இப்பிறப்பில் !
காய்கனிக் கொடை மூலம்
தேவனை அடைய முடிந்தால்
புனிதர் யாவரும்
அனுமாராய்ப் பிறக்க வேண்டும் !
இலை தழைகள் அளித்து
தலைவனை அருகலாம் என்றால்
ஆடுகள் அடையும் நிச்சயம்
ஈசனை நமக்கும் முன்பே !
கற்சிலை வழிபாடு
கடவுளை அடையச் செய்யு மெனில்
பல்லாண் டுக்கு முன்பே ஒரு
பாறைக் குன்றைச்
சீராட்டி இருப்பேன் !
மீராபாய் சொல்கிறாள் :
நள்ளிரவுக்
கண்ணீரின் சூடு
அண்ட வைக்கும் தன்னைக்
கடவுள் அருகே !

+++++++

கூக்கூ பறவையே !
மரத்தின்
உச்சக் கிளையில் வந்து நீ
உட்கார்ந்தாய்,
அடிநாதத் தொண்டையில்
இசைநாதம் எழுப்பி !
ஏனிந்தக்
காதல் துடிப்பு
வேதனைப் படுத்துது என்னை ?
ஆறாத
காயத்தில் உப்பிட்டுக்
காதல் கீதம் ஒன்றை நீ
கதறிப் பாடும் போது
காதில் படாது என் குடிசையில்
தூங்கி விட்டேன்
கண்ணயர்ந்து !

+++++++++

(ஆங்கிலத்தில்: ராபர்ட் பிலை)

(தொடரும்)

************

Holy Fire
(A Collection of English Poems)

(Nine Visionary Poets & the Quest for Enlightenment) 1994

Edited By : Daniel Halpern
Harper Prennial
A Division of Harper Collins Publishers

1. Mirabhai Songs were tranlated from Rajasthani by : 1. Andrew Shelling 2. Robert Bly & 3. Jane Hirshfield.

2. Mira Bhai By : Swami Sivananda (February 18, 2005)

*********************

S. Jayabarathan [jayabarat@tnt21.com (June 30, 2008)]

Series Navigation