• Home »
  • கவிதைகள் »
  • காற்றினிலே வரும் கீதங்கள் – 24 காதல் இல்லையா காசினியில் ?

காற்றினிலே வரும் கீதங்கள் – 24 காதல் இல்லையா காசினியில் ?

This entry is part of 29 in the series 20080619_Issue

தமிழாக்கம் : சி. ஜெயபாரதன், கனடா


ஆசை முகமறந்து போச்சே ! – இதை
ஆரிரிடம் சொல் வேனடி தோழி ?
நேசம் மறக்கவில்லை நெஞ்சம் ! – எனில்
நினைவு முகமறக்க லாமோ ?

தேனை மறந்திருக்கும் வண்டும் – ஒளிச்
சிறப்பை மறந்துவிட்ட பூவும்
வானை மறந்திருக்கும் பயிரும் – இந்த
வைய முழுதுமில்லை தோழி !

பாரதியார் (கண்ணன் என் காதலன்)

++++++++++++++++++++++++
காற்றினிலே வரும் கீதங்கள் – 24
காதல் இல்லையா காசினியில் ?
++++++++++++++++++++++++

செவிதனில் கேட்கும் எனக்குத்
தொலைவினில்
குயிலினம் பாடும் காதல் கீதம் !
மயிலினம் முணங்கும்
மறைமொழிகள் !
கூக்கூப் பறவையின்
கூக்குரல்கள் !
வானம் அனைத்தும் பரவி
அடுக்கடுக்காய் மிதக்கும்
கரும் முகில்கள்
பெருமழை பெய்யும்
பேரிடி மின்ன லுடன் !
கருமை நிறத்தோனே !
காதல் என்னும்
நேசம் இல்லையா இந்தக்
காசினியில் ?
ஏனிந்த வேதனை தொடரும்
என்னை ?
காத்திருக்கிறாள் மீரா !
உனதோர்
கடைக்கண் பார்வைக்கு !

+++++++++

(ஆங்கிலத்தில்: ராபர்ட் பிலை)

(தொடரும்)

************

Holy Fire
(A Collection of English Poems)

(Nine Visionary Poets & the Quest for Enlightenment) 1994

Edited By : Daniel Halpern
Harper Prennial
A Division of Harper Collins Publishers

1. Mirabhai Songs were tranlated from Rajasthani by : 1. Andrew Shelling 2. Robert Bly & 3. Jane Hirshfield.

2. Mira Bhai By : Swami Sivananda (February 18, 2005)

*********************

S. Jayabarathan [jayabarat@tnt21.com (June 15, 2008)]

Series Navigation

சி. ஜெயபாரதன், கனடா