அவளுக்கான பூக்கள்/அவை கால்தடங்கள் மட்டுமன்று

This entry is part [part not set] of 41 in the series 20071206_Issue

ப்ரியன்


அவளுக்கான பூக்கள்


ஓர் அதிகாலையில்
அவளுக்கான பூக்கள்
சேகரித்தவண்ணம்
நடந்து செல்கிறேன்;
புல் மீதான உறக்கம் கலைய
மண் முத்தமிட்டு
மரணம் தழுவுகின்றன
பனித்துளிகள்!


அவை கால்தடங்கள் மட்டுமன்று

மழை ஓய்ந்த நாளொன்றில்
நடைபயிலும் மழலைகளின்
கால்தடங்களை
தன் அறை சுவர் ஓவியங்களாக
பத்திரப்படுத்திக் கொள்கிறது பூமி!


mailtoviki@gmail.com

Series Navigation

ப்ரியன்.

ப்ரியன்.