பூனைகளும் புலிகளும்

This entry is part [part not set] of 27 in the series 20070628_Issue

புதியமாதவி, மும்பை



பூனைகளை நான் ரசிப்பதில்லை
ஓசையின்றி
திருட்டுப் பார்வையில்
அங்குமிங்கும் அலைபாயும்
விழிகளுடன்
அலைந்து கொண்டிருக்கும்
பூனைகளை நான் ரசிப்பதில்லை.

தூக்கத்திலிருக்கும் பூனைகளை
கண்டு தூரவிலகிவிடுவது
உத்தமம்.
விழித்திருக்கும் பூனைகளை விட
தூங்குவது போல
பாய்ச்சலுக்காகக் காத்திருக்கும்
பூனைகள் தீவிரவாதிகள்.
பூனைகளை நான் ரசிப்பதில்லை.

அது என்ன?
புலியின் அச்சு அசலுடன்
யாரை ஏமாற்ற
உடல் சுருக்கி
உலா வருகிறது
பூனை என்ற பெயரில்?
கருப்பு பூனைகள்
வெள்ளைப் பூனைகள்
குட்டிப் பூனைகள்
எல்லா பூனைகளிலும்
எப்போதும்
ரத்தக் கறைகளுடன்
ஒளிந்திருக்கிறது
புலியின் கோரப்பற்கள்.

பாயத்தயாராயிருக்கும்
புலிகளைவிட
பக்கத்தில் படுத்திருக்கும்
பூனைகள்
எப்போதும் ஆபத்தானவை.
பூனைகளை நான் ரசிப்பதில்லை.


puthiyamaadhavi@hotmail.com

Series Navigation

புதியமாதவி, மும்பை

புதியமாதவி, மும்பை