பொங்கல் வாழ்த்துக்கள்

This entry is part [part not set] of 41 in the series 20080117_Issue

ரஜித்



பெரிய முள் உழைப்பு
சிறிய முள் மக்கள்
கடிகாரம் சிங்கை

திருத்திக் கொள்கின்றனர்
நேரத்தை
உலகத் தமிழர்கள்
எம் சிங்கைக்
கடிகாரம் பார்த்து

வெள்ளிக் காசை
வியர்வைத்
துளிகளால் வாங்கும்
சிங்கை மண்ணுக்கு
எம் பொங்கல் வாழ்த்துக்கள்


rajid_ahamed@yahoo.com.sg

Series Navigation

ரஜித்

ரஜித்

பொங்கல் வாழ்த்துக்கள்

This entry is part [part not set] of 34 in the series 20060113_Issue

கவிஞர் புகாரி


மஞ்சள் கொத்தோடு
மாமரத்து இலையோடு
இஞ்சித் தண்டோடு
எறும்பூரும் கரும்போடு

வட்டப் புதுப்பானை
வாயெல்லாம் பால்பொங்க
பட்டுப் புதுச்சோறு
பொங்கிவரும் பொங்கலிது

கரும்பைக் கைபிடிக்க
கட்டழகைக் கண்பிடிக்க
குறும்பைச் சொல்பிடிக்க
குமரியிதழ் தேன்வடிக்க

வயலில் வாய்க்காலில்
ஒய்யார நடைநடந்து
பயலும் பொண்ணுகளும்
பாடிவரும் பொங்கலிது

வீட்டுப் பசுமாடும்
வயலேறும் எருதுகளும்
பாட்டுச் சலங்கைகட்டி
பொன்னழகுப் பொட்டுவச்சி

தோட்டத் தெருவெல்லாம்
தொலைதூர வெளியெல்லாம்
ஆட்டம் போட்டுவரும்
அழகுமணிப் பொங்கலிது

மண்ணைக் கையெடுக்க
மனசெல்லாம் மூச்செறிய
பொன்னை அள்ளியதாய்ப்
பெருமிதத்தில் கண்விரிய

அன்னம் கொடுப்பவளின்
அருமைகளை எண்ணிமனம்
நன்றிப் பெருக்கோடு
நிலம்வணங்கும் பொங்கலிது
—-
buhari@gmail.com

Series Navigation

கவிஞர் புகாரி

கவிஞர் புகாரி