எதிரேறும் மீன்கள்

This entry is part [part not set] of 54 in the series 20040401_Issue

சேவியர்


0

ஆளில்லாத தீவிலெனில்
இந்த
சில்மிஷம்
இத்தனை சுவையாய்
இருந்திருக்குமா ?

விரலில் வழியும்
தேனுக்கு இருக்கும்
சுவை
தேனில் அமிழ்ந்திருந்தால்
கிடைத்திருக்குமா ?

கவசங்களே
தேவைப்படாத காதல்
இனித்திருக்குமா ?

பின்னிருக்கைப்
பயணங்கள் தரும் பேருந்து,

கிசுகிசுப்புப்
பேச்சுக்களுக்கான
தொலைபேசி நிறுத்தங்கள்

யார் கண்ணிலும்
படாமல்
உன்னை வந்தடையும்
பின்னிரவில் எழுதப்படும்
மோக மின்னலடிக்கும்
கடிதங்கள்,

இவை தானடி
இனிப்பு.
என்று தான் பேசமுடிகிறது.

படகுக் கரையில்
பயந்தபடி அமர்ந்திருக்கும்
மாலையில்.

0

சேவியர்

Xavier.Dasaian@in.eFunds.com

Series Navigation

ஸ்தனிஸ்லாஸ் ஆரோக்கிய சேவியர்

ஸ்தனிஸ்லாஸ் ஆரோக்கிய சேவியர்