விலக்கப்பட்ட கனி

This entry is part [part not set] of 54 in the series 20040401_Issue

சேவியர்


எங்கோ பார்த்தபடி விரியும்
இந்தப்
பார்வையின் நீட்சியாய்
என்னை
நெருங்குவாய்,

பின்
என் கண்கள்
சிரிக்கிறதென்று
கண்டிப்பாய் சொல்வாய்.

வாரங்கள் போனபின்
வருடுவாய்
விரல்களை.

பின்
தொடுதலின் எல்லையை
விரிதாக்கி
என் பலங்களை
பலவீனப் படுத்துவாய்

சீண்டல்களின் வெப்பத்தில்
உன்னை
என்னில் ஊற்றி
கொதிக்க வைப்பாய்.

பின்னர்
கலவியை நோக்கியே
நடக்கும்
உனது
உரையாடல்களும் விளையாடல்களும்.

நான்
என்னைத் தந்து
காதலை யாசிப்பேன்,
நீ
காதலைத் தந்து
என்னை புசித்துப் போவாய்.

பின்
எங்கோ பார்த்தபடி
விரியும்
உன் பார்வைகள்.

விலக்கப் பட்ட கனியாய்
வீதியில்
கிடப்பேன் நான் மட்டும்.

0

சேவியர்
Xavier.Dasaian@in.eFunds.com

Series Navigation

ஸ்தனிஸ்லாஸ் ஆரோக்கிய சேவியர்

ஸ்தனிஸ்லாஸ் ஆரோக்கிய சேவியர்