முரண்பாடுகள்

This entry is part of 61 in the series 20040318_Issue

எஸ். பாபு


அலைகள் கால்தொடும்போது
துள்ளிக் குதிக்கிற
குழந்தைகள் நிறைந்த
இதே கடற்கரையில்தான்
திரிகிறார்கள் –
சுண்டல் விற்கிற சிறுவர்களும்.

புது மணம் மாறாத
புடவைகளை
வாசல்தோறும் விரித்து
வியாபாரம் செய்கிறவன்
வந்து போகிற
அதே தெருவில்தான் வருகிறான் –
பழைய துணிகளுக்கு
பாத்திரம் தருபவனும்.

பல்லாண்டு வாழ
வாழ்த்தப்பட்டு
பிறந்தநாள் கொண்டாடுபவரின்
புகைப்படம் பிரசுரமாகிற
அதே செய்தித்தாள்களில்தான்
வெளியாகின்றன –
கண்ணீர் அஞ்சலிக் கட்டங்களுக்குள்
இறந்தவர்களின் முகங்கள்.

***
-எஸ். பாபு

***
agribabu@rediffmail.com

Series Navigation

எஸ். பாபு