திண்ணை

பவளமணி பிரகாசம்

எழுப்பி விட்டது ஏதோ ஒரு சிறு பொறி
பழைய ஞாபகங்கள் பல எண்ணங்கள்
ஆழத்தில் உறங்கும் சேமிப்புகள்
ஒழித்துப் போட்ட பரண்மேல் பெட்டியாய்
விளக்கைத் துடைத்து வெளிப்பட்ட பூதமாய்
கிளறிய சம்பவம் இனிமையான அனுபவம்
விளைந்ததோ மீண்டும் நேற்றில் வாசம்
களிப்பாக்கும் கூடை நிறை பூவாசம்.
—————————————————
pavalamani_pragasam@yahoo.com

ப.ய.ணி

.
மெல்ல ஒளிபுரட்டும் பொழுதுகள்
வெளிர் சாம்பல் அடர்ந்து இருளும்
சலிக்கும் பேருந்தின் இருக்கை முதுகு

கொக்கியில் தூக்கி மாட்டிய
தோலுரித்த சதையின் கண்ணாய்
பார்வை இழுபடும்

தோன்றிவிடக்கூடாதா எனும்
யோசனையின் கனம் அஞ்சிக்கவிழ்ந்துத்
தடம் மீண்டும் நாடும் மனம்

பயம் உறைந்து வியர்த்து வழியும்
சலனமற்ற முகத்தசையினூடே
மெல்லக் கசியும்
உயிர்விடும் பெருமூச்சு

பூ மிதக்கும் பசுங்குளக்கரையின் வாசம்
பொசுங்கும்

– ..ப.ய.ணி…

dharan@payani.com