திண்ணை

சத்தி சக்திதாசன்

தோள்களை நிமிர்த்திடு என் தோழா
தோல்விகள் உனக்கில்லை என் தோழா

வயல்களில் நீ சிந்தும் வியர்வை
வயிற்றுக்கு உணவாய் மாறுது உலகில்
வறுமையில் நீ காணும் வாட்டம்
வதைத்திடும் வகை காணவே நீ
தோள்களை நிமிர்த்திடு என் தோழா
தோல்விகள் உனக்கில்லை என் தோழா

உழைப்பது ஒன்றே உன் வேதம்
உண்மைத் தெய்வம் உன் தொழிலே
காலங்கள் தோறும் உன் கலக்கம்
கலைத்திடும் வகை காணவே நீ
தோள்களை நிமிர்த்திடு என் தோழா
தோல்விகள் உனக்கில்லை என் தோழா

தவிப்பினில் வாடிடும் உன் நிலை மாற
தரணியில் உன் வாழ்க்கை செழித்தோங்க
பசி எனும் பெருநோயை அழித்தொழிக்க
பதறாமல் ஒன்றாய் நீ சேர்ந்து அவனியில்
தோள்களை நிமிர்த்திடு என் தோழா
தோல்விகள் உனக்கில்லை என் தோழா

சத்தி சக்திதாசன்
sathnel.sakthithasan@bt.com