திண்ணை

சத்தி சக்திதாசன்

கன்னத்தில் முத்தமிட்டால் கள்மயக்கம் தோன்றுதடி
கனிவான தமிழில் கூறிவைத்தான் பாரதியே
என் எண்ணத்தில் உன் நினைவு தோன்றும் போதெல்லாம்
ஏனடி கனவுகள் உள்ளத்தை உருக்குலைக்கின்றன
உன்னகத்தில் நான் வந்து குடி புகுந்து வாழ்வதற்கு
உண்மையாய் நீ கேட்கும் வாடகை தான் என்ன
என்னிதயத்தில் நீ நுழைந்தபோது மைவிழியே
எடுத்தாயா அனுமதி என்னிடத்தில் பொன்மயிலே
காதலெனும் படகை கொண்டுவந்தேன் உன்னிடத்தே
கடைசிவரை வசதியாக கல்யாணப் பயணத்தை மேர்கொள்ளை
இதயத்தை உன்னிடத்தில் பறிகொடுத்து பரிதவிக்கும் ஏழையிவன்
இப்போதும் பிச்சையாய் கேட்பதெல்லாம் உன்னிதயம் ஒன்றுதான்.

sathnel.sakthithasan@bt.com