‘படைத்தவனைத் தேடுகிறேன் ‘

This entry is part of 37 in the series 20030202_Issue

கரு.திருவரசு


படைத்தவனைத் தேடுகிறேன் – அவன்
பதுங்கிப் பதுங்கி ஓடுகிறான் – படைத்தவனைத்

படைப்பிலொரு குறையுமில்லை
பாகுபாட்டுக் கறையுமில்லை
உடைப்பெடுக்கும் நீதிகளை
ஒழுங்குசெய்ய யாருமில்லை – படைத்தவனைத்

அறிவுமுதல் ஆயுள்வரை
அடுக்கடுக்காய் அளந்துவைத்தான்
முறிவுகளும் மோதல்களும்
முளைக்கையிலே என்னசெய்தான் – படைத்தவனைத்

ஆறறிவு மனிதனுக்கு
ஆற்றலள்ளிக் கொடுத்துவிட்டான்
பாரழியும் பாதைகளைப்
பார்த்துவிட்டும் எங்குச்சென்றான் – படைத்தவனைத்

thiruv@pc.jaring.my

Series Navigation