அம்மா…

This entry is part of 30 in the series 20030125_Issue

ஆ. மணவழகன்


மாதம் ஐந்து வருமானம் என்றால்
பத்து மாதம் போதுமே…
தொழில் முறைத் தோழனாய் அப்பா!

எனக்குச் செய்யாமல்
யாருக்குச் செய்யப் போகிறான் …
கணக்குப் போடும் கணினியாய் சகோதரி!

கூடப் பிறந்தவன் இருக்கும்போது என்ன ?
விட்டுக் கொடுக்கும் கெட்டிக்காரனாய் சகோதரன்!

‘விழமாட்டேன் என்கிறானே ‘
வெட்டிய குழியுடன்
வேட்டை நாய்களாய் உறவுகள்!

‘ஏதோ நல்லா இருந்தா சரி ‘
சமுதாய நோக்குடன் சாதி-சனம்!

இருந்தும்,
இரண்டு முறை புரண்டு படுத்தாலே
எழுந்து வந்து நெற்றி தொட்டுப் பார்க்கும் அம்மா…

நீ மட்டும் எப்படி இன்னும்
அம்மாவாகவே…!

a_manavazhahan@hotmail.com

Series Navigation