செலவுகள்

This entry is part of 23 in the series 20021221_Issue

சேவியர்


0

கிறிஸ்மஸ் மரத்தைச் சுற்றி
மின்சார மின்மினிகளை
வரிசையாய்
நிற்க வைத்தேன்,
உச்சியில் சின்னதாய் ஓர்
செயற்கை நட்சத்திரத்தையும்
செய்து வைத்தேன்.

யதார்த்தமான ஒரு
குடிலை வாங்கி
குழந்தை இயேசுவை உள்ளே
இளைப்பாற வைத்தேன்.

சுவரைச் சுத்தமாக்கி
காயாத பூக்களை
சாயாமல் ஒட்டி வைத்தேன்.

வாசலிலும்,
அறைகளிலும்
தோரணத் தொங்கல்,
கூரைகளில் கூட
நட்சத்திர ஊஞ்சல்.
எல்லாம் செய்து வைத்தேன்.

பொருளாதாரத்தைக் கொஞ்சம்
சுரண்டித் தின்றாலும்,
இந்த
விழாக்கால ஏற்பாடு
இதமான உறக்கம் தந்தது
இரவில்.

கனவில்,
சிரித்துக் கொண்டே
இயேசு கேட்டார்,
இத்தனை செலவு செய்தாயே
யாரையேனும்
சம்பாதித்தாயா ?

0

Series Navigation

ஸ்தனிஸ்லாஸ் ஆரோக்கிய சேவியர்