வேண்டாம் வரதட்சணை!

This entry is part of 7 in the series 20000507_Issue

சி. ஜெயபாரதன்


ஈழத்தில் இட்டதீ சீதைக்கு! எழில்மதுரை

சூழத்தீ இட்டது கண்ணகிக்கு! – வாழாது

மீண்டும் நகைச்சண்டை! மேனியில்தீ தங்கைக்கு!

வேண்டாம் வரதட் சணை!

தாலிகட்ட நூறுபவுன்! தாயாக்க வேறுபவுன்!

கூலிமுதல் தந்தால்மூ கூர்த்தமெனும் – வாலிப

ஆண்மகனும் தாசியைப்போல் ஆசையுடைத் தாசனே!

வேண்டாம் வரதட் சணை!

 

 

  Thinnai 2000 May 07

திண்ணை

Series Navigation

சி. ஜெயபாரதன், கனடா